The Hidden Green Movement a nanse ora ku Berber i Reina a sera konosí ku otro. Berber, un aktivista YDK (nansé na Kòrsou) tin konosementu di permakultura i fotografia, ya pa tempu largu tabata kana rònt ku e idea pa krea mas visibilidat pa e kunukeronan na Kòrsou. Reina kera invertí mas tempu den proyektonan sosial. Na momentu ku Berber a presentá su idea na Reina, the Hidden Green Movement a nanse.
The Hidden Green Movement ta masha aksesibel i tur hende por partisipá! Ta un kampaña di konsientisashon ku lo dura un aña. Kada luna nos ta pone un kunukero den spòtlait. Di e manera akí nos ta mustra e kunukeronan ku no ta haña sufisiente atenshon i e agrikultura di Kòrsou. Ku potrèt, entrevista, video, anto un reportahe di un dia di trabou den kunuku. Bo por haña e kontenido akí den medionan sosial, na nos wèpsait, na diferente medio, tienda i restorant.
Pa medio di nos news blog, e kunukeronan, restorantnan, puntonan di benta, sientífikonan i mandatarionan por partisipá. Nan ta kompartí nan konosementu i eksperiensia. Konsumidónan ta partisipá den e movementu kumprando produktonan lokal i dor di ta embahador di e movementu.
Kumpra lokal ta un di e akshonnan mas fasil pa kombatí problemanan den futuro.
Hopi hende ta sorprendí ora nan tende ku tin produkshon di kuminda aki na Kòrsou. Nan no sa mes ku por kumpra produkto lokal.
Nos vishon ta pa hasi visibel ku produkshon realmente ta tumando lugá na Kòrsou. E logo ta mustra hende den tienda kua produkto ta lokal. Pa di e manera ei hasi eskoho di produkto lokal fásil.
Ora bo skohe produkto lokal, bo ta:
Tiki hende ta realisá nan mes ku tin komestibel ku ta krese na e isla seku i kolmá ku solo akí. Anto kon importante ku bo por kumpra produkto lokal. Esei mester kambia!
E tin interes spesial pa proyektonan ku tin di aber ku durabilidat i konsientisashon. Su meta ta pa konsientisá hende tokante e problemanan sosial i ambiental ku tin pa medio di su kampañanan i fotografia. E liña kòrá den su proyektonan ta konekshon. Esaki ta guia na mehora di hende, kultura i di medio ambiente. Berber su mishon ta pa inspirá hende pa un mihó mundu. Su estudio den permakultura, talento pa sosialisá, organisá, planea i su profeshon komo fotógrafo ta bini huntu den e proyekto yamá the Hidden Green Movement. E potrèt di e kampaña a keda saká dor di Studiorootz, e kompania di Berber van Beek.
Reina ta un sientífiko den naturalesa i maneho, anto un eksperto den organisashon. For di aña 2012 e tin un ofisina den consultancy pa organisashonnan. Promé ku esei el a traha i rekerí eksperiensia komo mènedjer den informashon públiko. Pa Reina ta konta: “Ta peligroso pa wak mundu tras di un buro… Ta bon pa bo no limitá bo mes na bo kòmpiuter i telefòn…ta bon pa pone man na obra i ekperiensiá bida real”. E ta kere ku ta importante pa hende hasi trabou di boluntario.
Meta di fundashon SeDoP ta pa stimulá kuriosidat, komprenshon mutuo, konsientisashon i/òf akshon positivo den sosiedat. Propósito ta pa trese mas union den komunidat i un estilo di bida mas duradero pa medio di potrèt/video/dokumental periodístiko i proyekto.
E fundashon ta registrá na Kámara di Komersio bou di number 151769. Huntu Berber i Reina ta forma e direktiva.
E direktiva ta wòrdu kontrolá pa un Konseho di Asesoramentu. E konseho ta topa kuater biaha pa aña pa kontrolá e parti finansiero, progreso, obligashonnan i palabrashonnan hasí. E estatutonan di e fundashon i e nótulonan di e reunionnan ta disponibel ora entregá un petishon. Esaki ta garantisá independensia i konfiabilidat di e fundashon.
Por pidi informashon adishonal – manera raporte anual, plan di proyekto, kuenta anual, registrashon na KvK èts. – pa medio di e formulario di kontakto
