Bo tabata sa ku tin krio di abeha aki na kòrsou? Dikon ta importante pa produsí honing aki na kòrsou i aparte di honing, kiko mas abeha por produsí?
Si bo ke sa un tiki mas tokante krio di abeha aki na kòrsou, e blog akí ta pa’bo ! Gilliard i Kezzy di Cura-nature lo konta un tiki di nan ekperensia pa ku es’aki.
Alegria di tur apikultor na kòrsou ta ora ku awaseru kai. Pa motibu ku mondi ta bira bèrdè i kolorido, lo tin flor, ku resultado ku e abehanan ta haña nektar pa produsí stropi di abeha (honing).
Ta importante pa produsí honing aki na kòrsou komo ku honing lokal tin su sabor úniko i ta pèrdè es’aki na momentu ku e wòrdu industrialisá. Un otro motibu ta ku e honing lokal tin e “alergens” lokal pa kombatí e alergianan lokal.
Krio di abeha ta produsí diferente otro kos aparte di honing ku por benefisiá e apikultor, por ehèmpel beeswax i propolis.
Ku e beeswax por traha diferente produkto manera bela, Lotion i lipbalm. Ku e propolis por traha un ekstrakto di propolis kual tin hopi benefisio pa bo salú.
Loke ku tur hende ta loko kun’é, ta honing 100% natural kual ta hopi dushi i super saludabel. Honing tin hopi benefisio, e ta antibakterial, e ta yuda ku doló di garganta ora bo ta malu (sore throat) i e ta yuda boost sistema imunológiko.
Bo ke sa kiko tur por hasi ku honing, aki tin algun idea:
-por pon’é riba un bon repa di pampuna òf “pancake”
-por supstituí suku den por ehèmpel djus i te
-por traha ice-cream di honing
-por traha biña di honing (mead)
-por pone den salad dressing i sous
-por usa pa sasoná karni
Esaki ta un tiki di krio di abeha aki na na kòrsou den e perspektiva di Cura-nature, nos ta spera ku e tabata interesante i ku bo a siña algu nobo. Pa mas informashon por sigui e página di Facebook: Cura-nature òf por app na +5999 671-8348.
Nos ta bende nos produktonan i honing na Harmonia, Williwood i delivery.
